حوار . عبدالخالق الهادى .شيماء منصور .
من لا يشكر الناس لا يشكر الله، وأنتم جميعاً تستحقون الشكر والثناء، فلولاكم لم تكن مدرستنا تصل إلى أفضل المراتب، ولولا جهودكم لما كان للنجاح أي وصول، ولما تحققت الأهداف، فأنتم أساس رفعة هذه المؤسسة وأساس تقدمها، وأنتم من يحمل شعلة النجاح والتطور، فشكراً لكم وإلى الأمام الدائم.
فمن هنا توجهت (جريدة الأخبار المصرية) ترصد صاحب هذه المقوله
● في الاول نحب نتعرف علي حضرتك ،وما هو السلم الوظيفي؟
•• انا اسمي اشرف ناشد وكيل المدرسه الثانويه ومهندس ثم دبلوم عالي في التربيه ، وبقالي فى المدرسه هنا 34 سنه في التدريس انا بدأت
من 87 لكن جيت الي المدرسه هنا في 91 .
● كم عدد السنوات التي قضيتها في التعليم ومنذ متي وحضرتك في منصب مدير المدرسه؟
•• انا في التعليم من سنه 1987 من وقت ما اتخرجت وانا اشتغلت في نظام التعليم علي طول وعملت دبلوم عالي في
التربيه في سنه 1990ومن بعد ذلك و انا في المدرسه من 1991 وانا في هذا المنصب من اربع سنين .
● ماهي تطورات التي شهداتها مدرسه سان جورج في عهد (الأستاذ اشرف ناشد )؟
•• هي التطورات كلها ساهمت فيها كل الناس مش في عهد مستر اشرف بس يعني ساهم فيها (ابونامجدي المدير عام )
وساهم فيها مدرسين ورؤساء الأقسام وساهم فيها عمال المدرسه بنظافه المدرسه ، وطبعا بالمدرسين كتدريس
محترم بيدرسوه وبعد كده ساهم مستر اشرف ببعض المجهود يعني.
● ما هي ابرز الصعوبات التي تواجهها في منصبك كمدير المدرسه؟
•• باذن الله مفيش اي صعوبات احنا الحمدلله بنقدر نتغلب علي كل الصعوبات بحبنا لبعضنا والتفاهم اللي بنا يعنى في مدرسين زميلى هنا معايه واحنا بنشتغل مع بعض بالحب بمعني ان
بكل حب واحترام وفي نفس الوقت بالثواب والعقاب بمعني انت بتشتغل فابتوثاب انت مش بتشتغل بنوجه ليك انزار مره و
اتنين وبيبقي عباره عن انزار شفوي وانزار كتابي بعد كده بنتخذ أجراء لكن طبعا دي بتبقي اخر حاجه ومعتقدش اننا قبل
كده لجأنا للموضوع ده لان الناس هنا في منتهي الاحترام.
● كيف تقوم المدرسه بالتعامل مع المتفوقين ،ام هناك سياسه معينه لتكريمهم؟
•• احنا هنا من سنتين أخدنا مسابقه اوائل الطلبه في أداره مصر الجديده علي مستوي كل المدارس الخاصه طلبنا من
ابونا اننا نقدم هدايا للطلبه بالاضافه الى الهدايا العينيه المدرسه مثال عملت لكل واحد شهاده استثمار بمبلغ كبير
وسلمتها للطلاب المتفوقين.
وكان في المدرسه للطلبه زمان قبل موضوع التابلت كان في امتحانات شهريه كنا بنجيب هدايا للطلاب الأوائل ونوزع الشهادات فى طابور المدرسه والطلاب يقفوا صف
وياخدوا صوره تتحط علي صفحه علي الفيس بوك التابع للمدرسه ،وطبعا ده نوع مكنش موجود قبل كده في الفتره اللي فاتت بنحاول ان تبقي حاجه كويسه للمتفوقين .
● هل تم التعامل علي نظام التعليم الثانوي الجديد؟
•• اه،لان اداره المدرسه ممثله في ابونا واتكلمنا معاه واتفقنا اننا نعمل دورتين تدربيتين للمدرسين الدوره الأولي وكانت في بعض البرامج مثل برنامج ال word وبرنامج ال power pointوالدوره التانيه كانت في التعليم عن بعد وهي شغاله حاليا بمعني ازاي الناس تعمل قناه علي ال youtoub لنفسها وازاي تدخل علي منصه Edomodo وتعمل برنامج zoom وترفع عليهم الحاجات اللي بتشتغلها، والدوره دي اتعملت للمدرسين اللي داخل المدرسه والمتعقدين معانا و اتعاملت كمان للمبتدئين اللي احنا لسه بندربهم وياعالم هيكملوا معانا ولا لا واحنا قدرنا ندرب حوالي 100 مدرس ومدرسه وكان تمن الدورتين كلفوا حوالي 1000ج تقريبا لكل مدرس واتعملت فور فري.
● من هو المعلم الناجح من وجهه نظرك الشخصيه؟
•• هو المعلم مش تربيه بس، ولكن المعلم اخلاق الاول ، المعلم ماده علميه، المعلم رحمه بمعني اه انا عندي بعض المدرسين
اصحاب الطلبه جدا ،بينما في بعض المدرسين ان انا بقولك كلمتين وخالص مش عجبه! يجي ياخد درس ، لكن احنا هنا ، معندناش الحكايه دي في المدرسه هنا في حب ما بين المدرسين والطلابه، و المدرسه هنا لما ولد بيكونوا عندو مشكله بيالقي حد بيتكلم معاه بيطلع كل اللي جواه من مشاكل نفسيه سلبيه او اجابيه واحنا بنحاول نحلها وبنساعده ازاي يتخطي المرحله دي بس مع كل ده في حدود بين المدرس والطالب في المدرسه يعني مثال ميجيش المدرس يشتم الطالب، في نفس الوقت المدرس عنده ماده علميه اثناء الشرح ال بيشرح بضمير عشان يفهم الطالب بدل ما الطالب يدور بره علي تعليم وفي نفس الوقت الرحمه طبعا مطلوبه.
● ما توقعات سيداتكم من الطالب والمعلمين هذا العام الدراسي؟
•• والله هي التوقعات كل شئ بايد ربنا لكن احنا نتمني الخير يعني في اتجاه الدوله للتعليم وألغاء الدروس الخصوصيه ،
والتعليم عن بعد بس الفكره هل احنا مستعدين تماما لهذا يعني الدوله بتحاول وبجتهاد المدارس و بجتهاد المدرسين
انه يتعلم والطالب يتعلم ، بس برضو في حاجات مش متوفره! زي اي مش كل المنصات بتعمل كده
مدارس اللي هي باللغه الفرنسيه ملهاش مناهج موجوده علي المنصات مدرس المدارس الخاصه لا يستلم تابلت ذي مدرس المدرسه الحكومه بالتالي هيشرح في الفصل ازاي يا علي بروجكتور او علي الصبوره التفاعليه يا هيشرح بالقلم الصبوره ويسيب الطالب كده في الهوا ومفيش تابلت فامعرفش هل يمكن في تفاهم
بين المدارس الخاصه وبين وزاره التربيه والتعليم بتوفر التابلت للمدرس بسعر منخفض مش بالمجانا او ان المدرسه تشتري وتقسطه هي للمدرسين دي مقترحات .
● ما هي ابرز الأمور التي تقوم بها كمدير للمدرسه من اجل تحقيق الأمن والأمان والإحسان للمدرسه؟
•• حاجات كتير طبعا الامن في ناس مسؤولين أمن علي البوابات ،في طفايات حريق موجوده جوه المدرسه ، في خطط موضوعه في حاله حدوث اي مشكله مثال زي الحريق او زلزال او حاجات زي كده، بالنسبه بقي للسنه دي مثلا مقسمه في الفصول باعداد قليله يعني الفصل بعد ما كان في م32 _35 طالب بقي في دلوقتي 20 _25 بالكتير حيث يتواجده في فصول فيها تهويه كويسه ويتمتعوا بتعليم كويس لما يكون العدد قليل المدرس هيستفيد اكتر في مسافات أمنه بنهم وبين بعض، كمان خروج الطلبه وقت الانصراف في مواعيد متفوته ومختلفه مش كلهم خارجين في نفس الوقت ومش كلهم خارجين من نفس الباب كمان او نازلين من نفس السلم وكمان في اكتر من فسحه مش كلهم مع بعض ده بيخلي والطلابه نوع بيعطى راحه نفسيه للطالب والمدرس وطبعا لولي الامر.
● ما هي الرساله التي تريد توصيلها من خلال عملك كمدير للمدرسه؟
•• الرساله اللي عاوز اوصلها اهم حاجه الضمير والحب لان انا لو عندي ضمير هرضي ربنا في عملي كمدير وكوكيل وكمدرس وكرئيس قسم وكعامل كل واحد بيرضي ضميره ، الضمير بتعتبره صوت ربنا في الإنسان فإذا أرضا ضميره فهو أرضا ربنا ومينفعش تسكت ضميرك لان مفيش حد بيضحك علي ربنا وربنا طبعا شايف كل
واحد احنا قولنا اول حاجه الضمير ، تاني حاجه بقي الأخلاق والحب بمعني ان لازم يبقي في حب بين الطالب والمدرس مثل ان المدرس هيحب الطالب والماده .
والمدرس والإدارة والإدارة والطالب وهكذا و برضو المحابه بين المدرسين وبعضهم ودي بقي موجوده في المدرسه هنا ،
في حاجتين بتعملهم المدرسه اول حاجه بتعمل حفله christmas بنبعت لكل الناس من مدرسين والعمال والطلابه بيتغدوا ،مثال مع بعض وبعد كده بياخدو الهديه بمناسبه christmas وأعياد الميلاد والحاجه التانيه بنعمل حفله اثناء شهر رمضان المعظم بيبقي ،
عباره عن فطار رمضان وبياخدو اهديه بمناسبه شهر رمضان المعظم وهى بتكون حاجه تزكريه فا احنا كده بنزرع الحب بين الإدارة والمدرسين وبين المدرسين وبعض من جانب آخر هذا يجعل الطالب والمدرسين يحبوا المدرسه ، وبرضو بتغرز الوحده الوطنيه وثقافه قبول الاخر وحب الاخر هو ده اتجاه دولتنا وطول عمرنا والناس بتعيش مع بعضها في حب ودي احسن حاجه .
● القائد الجيد يضع لنفسه خطه هل نستطيع معرفه خطه سعادتكم لهذا العام حتي نستطيع ان نقيس أداء المدرسه في نهايه العام ؟
•• ما اكيد الخطه وضعت بدليل أن احنا بدأنا التعلم عن بعدوبدأنا العمل ودي اول حاجه اننا بدأنا تدريب المدرسين لما ندرب المدرسين هيقدرو يشتغلوا ولما يقدروا يشتغلوا هيبقي في أداء جيد ولما يبقي في أداء جيد هيبقي في نتيجه جيده للطلبه نشوفها بقي
وفي اخر السنه والتقيم باذن الله خير.
● كلمه اخيره توجهها لطالب ومعلمين؟ وبصراحه؟
•• بوجهه للمعلم انه يتعلم كويس اسلوب التعليم عن بعد لان ده اتجاه الدوله لان التعليم القديم سيتم الغاءه فلابد المعلم يبقي مستعد ويقرأ كثيرا بأستمرار ويتابع الأسئله بالطريقه الجديده لان الأسئله الموجوده في الكتب القديمه لغايه طبعات السنه اللي فاتت هي أسئلة مش هتيجي في الامتحانات خالص فلابد أن يتطور المدرس مع المناهج ونفس الكلام للطالب يحاول بردوا ان يبدا يتعلم هو مش كل حاجه تلقيم دروس وحفظ وسمع لان الكلام ده خلاص بتطل مش هيبقي في كده حتي الوزير صرح في اخر تصريح ليه قال الامتحانات كلها ، اختيار من متعدد وهيعرف الإجابات وفي الثانويه العامه وهو خارج من الامتحان هيكون التواجه ده هيمشى فى السنين الجايه بعد كده وفي كل المراحل حتي الصغيرين
هيبقي برضو الاتجاه كده فلابد ان يتطورالطالب مع العمليه التعلميه الجديدة والمدرس كمان لازم يتطور مع المنظمه التعليميه الجديده وربنا الموفق.
● تحب توجه ايه كبرقيه للطالب والمعلمين .
•• كل من جد وجد اللي هيعمل هيوصل لهدفه سواء هدفه يبقي مدرس ناجح ومشهور والطالب ان يبقي حاجه مفيده للمجتمع سواء مهندس او دكتور او محامي او محاسب فكل من جد وجد ، هتجد ازاي بالعلم والعمل والأخلاق هي دي وسيلتك حتي تكون انسان محترم وناجح وسط المجتمع .
يجب عليك تسجيل الدخول لاضافة تعليق.