😍 الطرب 😍
الطريقه ياجماعه للناس الاكيله لأن الاكله تقيله😂😂
بنجيب لحمه ونفرمها فى الكبه الكميه المناسبه لعدد اسرتك
بصل مفروم وصفيه وخدى ميه البصل اركنيها فى طبق على جنب
هاتى حته من ليه الخروف بس متفرميهاش قطعيها قطع صغيره وكمان دهن أو دوش وافرميه كويس وكل دا تنزليها بيه على اللحمه
فلفل مفروم وملح وفلفل اسود وقطعى ربطه بقدونس حتت صغيره ومعلقه بيكنيج بودر صغننه بس متكتريش البهارات علشان مضيعش طعم اللحمه كل ما قلت كل ما كانت احلى
ادعكى بقى اللحمه كانك بتعجنى لغايه منقول حقى برقبتى 😂😂
هاتي بقا فرش الضانى أو ماعز اى فرش
افرديه
وهاتي عصيتين من عصيان الشيش وصبعى عليه
وخدى الصوابع تكون حجم كويس متكنش رفيعه علشان متنشفش منك
وحطيها على الفرش ولفى لفه واحده واقطعى بسن السكينه على قد صباع الكفته
فى الوقت دا تكونى بتسخنى الفرن على أعلى درجه
صبعتى كل الكفته ولفيتى عليها الفرش
حطى كل الكفته على شبكه عندك وتحت الشبكه صنيه الخطوه دى مهمه علشان المياه إللى بتنزل منه لو استوى فيها مش بيكون حلو وبياخر فى التسويه
كدا هيطلع زى المستوى على الفحم واحلى
استنى بقا فاكره ميه البصل ضيفى عليها معلقه صلصه صغيره وادهينى بيها وش الطرب دخليها فى الفرن الى اتسخن من شويه على أعلى درجه وانتى بقى وتظبيت فرنك فى التسويه
تلت ساعه عن لى اول وش وبعدين اقلبى على الوش التانى وادهنيه برضوا بصلصه وميا بصل ولو الفرن عندك مس بيحمر الوش شغلة الشوايه وتابعى أوعي تنسيه فى الفرن لان اهم حاجه التسويه الصح بالهنا على قلبكوا ،♥️♥️♥️
الشيف / جنى يوسف 😊
