كلمتين عشانك ركز فيهم اوي ??
انت انسان أدمي ورائع وطيبتك دي هي شرف للحياه كلها، حباك الله بمعدن أصيل والخير فيك ليوم القيامه، شوف روعتك وانت بتحب الخيـر للي حواليك وبتجري علي مساعدتهم ، اتأمل جمال قلبك وانت بتحن علي الفقير ، ويامحلا طيبة اصلك وانت بتكرم ضيفك وبتشيله علي راسك، وعن سماحة قلبك وانت بتغفر الاساءة مرة واتنين عشان حبل الود ماينقطعش ، عشان كده اوعي تسمح او تتأثر بكلام الناس او افعالهم الغير سويه توجعك أنت مش هتكون اغلي من رسول الله صلي الله عليه وسلم وهو كان بيتعرض لسب وقذف وظلم لكن ماكنش بيشوف غير اللي ربنا وصاه بيه في الحياه نشر الخير والسلام اللي بيدعوا ليه دينه
عيني وعينك علي الجنه صح ؟ ??
يبقي اوعي تتنازل علي الجمال اللي جواك لمجرد ان فيه فئه معينه من الناس تعباك في الدنيا بأفعالهم خصوصا لو قلوبهم مريضه لانك مش هتقدر تصلح قلوبهم اللي هي بين اصابع الله يهدي من يشاء ويضل من يشاء “في قلوبهم مرض فزادهم الله مرضا ” يعني الموضوع خارج ارادتك
عشان كده الحياة دي محتاجه اللي زيك عشان نعرف نكمل فيها واحنا مطمنين عارفين ان لسه القلوب الطيبه النقية حوالينا وهي اللي محليه طعم الحياه،
خلي خيرك لكل اللي حواليك مدام ربنا اوجده جواك يبقي اكيد ليك دور عليك انك تأديه بإخلاص، وهو انك تنشر الحب في كل مكان ومش بعيد الفئه اللي ماتعرفش حاجه عن الحب في الله تتعلمه منك لانك قدمته في اجمل واحن صوره …
ادعم جمال روحك وغذيها باللي تستحقه وساعد كل الناس تحب نفسها قبل ماتحب غيرها وتتعلم ترحم نفسها عشان تعرف ترحم غيرها وماتستناش شكر ولا مدح من حد
“إن أجري الا علي رب العالمين “☝??
وخلي غايتك هو حب و رضا الله ورسوله عليك
وخليك دايماً فاكر الأيه دي ? ” إن الله شاكر عليم “
تأكد إن الإنسانية بتتنفس وجودك اوعي تتخلي عنها.
#هبـــــــــه_عبدالعزيزالسواح
يجب عليك تسجيل الدخول لاضافة تعليق.