بقلم : رانيا صلاح
عارف مشكلتي ايه؟
اني بحب ابصّلك
بحب ابص لعينيك
وشَعرك المنكوش
واحس انك باصصلي
روحي بتحنّلك
بحب اشوف ملامحك
حتي وانت حزين
او متعصب شوية
دايماً بتكون رزين
اه بحبك لكن
عمري ماقلتلك
رغم ان الكسوف
بيبقي كله فيا
بحب نظرتك
وانت بتبص ليا
وعينيك مليانه حب
بهرب منها بعينيا
وابص ف اي حته
واهمس جوايا بس
ياعمري اشتقتلك
انت بجد جميل
راجل بروح قوية
انت مش اي حد
جوايا طوق نجاة
حلم بعيد عليا
حتي من غير ماتعرف
هتفضل جوايا دَعوة
من قلبي يحفظك
#رانيا_صلاح
