أحمد امام يكتُب .. للنجاح عنوان وبداية ، وبدايته من هُنا

بقلم : أحمد امام

كلمة انا محبط انا فاشل ، انا مش لاقي نفسي .. بسمعها كثير .
علشان كده كتبتلك المقال ده !

في البدايه ننسى ان في حاجه اسمها احباط .
وامسحوا كلمه يأس وفشل من قاموس حياتكم .. تمام
انا انسان ناجح ..انا انسان ناجح .. احتفظو بالجمله دي
وبعدين ابدأوا إقرأوا المقال ده??
كان عندك هدف وجريت علشان تحققه وحاولت مره واتنين وعشره و و و
وكالعاده فشلت ، وحسيت إنك خلاص مش هتقدر تكمل علشان إنك فشلت مره وإثنين .. وفشلك ده اداك فرصه انك تحس بشوية إحباط ويأس..
طيب سؤال إنت حاولت كام مره ؟
هتقولي مره واتنين وعشره !
وحاولت وملقيتش فايده ؛ وكل مره بتفشل !!
طبعا قولت كفايه كده احساس بالاحباط والفشل وافضل حاجه انك
تقف عن المحاوله .
انت بكده خدعت نفسك وتصورت انك علشان فشلت مره أو إثنين بإن ده معناه انك انسان غير ناجح .
مفيش حد اتولد وهو ناجح ولقى نفسه كده .. ?

طيب هقولك !
ايه هو تعريف النجاح من وجهه نظرك؟؟
طبعا هتلاقي تعريفات كثيره للنجاح بس التعريف اللي هقولك عليه ده مقنع جدا جدا جدا ?
(النجاح هو القدرة على الانتقال من فشل إلى فشل دون أن تفقد حماسك) “ونستون تشرشل”
بص يا سيدي أو بصي ياستي بصوا بقي كلكم :
– عايزكم تبدأوا تقرأوا في قصص الناجحين في أي مجال هتعرفوا إنهم مروا بسلسله من الفشل في بداية مشوارهم بس علشان عندهم إرادة وعزيمة بإنهم يوصلوا ..وصلوا بالفعل .
-الإنسان الناجح ما يعرفش يعني إيه فشل وبيفضل طول عمره يحاول .
-افتكر دايما انك حاولت مره إثنين وفشلت وحسيت بإحباط ويأس .
طيب هقولك بص ?
فاكر اللي إخترع المصباح الكهربائي ..عمل كام تجربه فاشله
عمل 9999 تجربه .. علشان يوصل بس إنه يخترعلنا حاجه بتنور ?
لو كان إستسلم من أول أو من ثاني مره .. كان هيعلن فشله طبعا ، تفتكر هو فكر كده لأ طبعا .?
عارف ليه ؟؟
-لأنه عنده هدف عاوز يوصل له على الرغم من سلسة الفشل والصعوبات اللي واجهته .
-لو الناس المحبطه قالت لك إن النجاح صعب ومفيش فايده ومفيش أمل وانك في كوكب تاني والكلام اللي اتبرمجنا عليه ده ..تؤتؤ انسي :
-متسمعش لحد فيهم وامشي وكمل طريقك الى النجاح .
هقولك آخر حاجه .. بص ?
لو عاوز تشوف نفسك فاشل ..هتبقى فاشل فعلا .
لو عاوز تشوف نفسك انسان ناجح هتكون ناجح .
ده قرارك إنت ..إنت اللي بتشوف نفسك وكمان دي حياتك إنت ..
النجاح مش صعب بس محتاج اراده وعزيمه .
مفيش حاجه اسمها فشل في حاجه اسمها تجارب بنتعلم منها علشان نكون احسن وافضل ونوصل لهدفنا .