أنا مصري ودا وطني
ودي أرضي ودا عرضي
لا تيجي تقولي هنجاهد ولا نقاوم
ولا نعاند ف خلق الله
جهادك قتل أنا فاهم
ومش هبقى ف إيديكوا آداه
” داعش ”
ال “د” دموع أطفال ونار باليتم حرقاهم
ال “ا” آهات وصريخ أرامل مش هننساهم
ال “ع” عيار طايش حزام ناسف
ال”ش”شرارة غدر وقلوبكم ظلام دامس
تقولوا شرع وشريعه وأفعالكم مرار طافح
كدبتوا الكدبه صدقتوا ودا كلامي ومش آسف
شريعة إيه وشرع كمان
وأنا جاري يبات قلقان
عشان مارضيش يكون تابع
عقابكم ليه يكون سامع
ولا يقدر يقول مانع
ولا يقدر يسطر سطر
حياه ماشيه وذي القطر …
خدعتوا ناس غلابه كتير
بسكر حلى أيامهم
وهما يومين وقلبت مر
كلامكم زاد وفعل مفيش
ومن خوفهم حياه ماتمشيش
أيها المتأسلمين……
بحذركم بإسم الشعب
سلاحكم مش هيرهبنا
وبإراده نعدي الصعب
تقولوا عليا علماني وليبرالي
تقولوا عليا شئ تاني
أنا مصري وطبعي أصيل
ودمي بيجري في عروقي
ونبعه مجرى نهر النيل
وجيشنا اسود زئيرها معدي ومسمع
وصدى صوته معدي حدود
يدافع عن تراب بلده
ويروي بدمه مليون عود
الكاتب/أحمد الحديدي
يجب عليك تسجيل الدخول لاضافة تعليق.