١٠٠ تحية للأطباء
عيون مصر السهرانة
زي ما جنودنا الأحبة
واقفة على حدودنا حميانا
و زي ما حامي بلادنا جيش
فدكاترة بتحمي مرضانا
واقفين بتداوو و تعالجوا
بتواصلوا يومكوا من غير نوم
بعيد عن بيتكوا و عيالكو
مبتشوفهمش غير كام يوم
شرف المهنة كان قسم
وانتوا بشرف برتوه
والموضوع حقيقي اتحسم
العالم من غيركوا بيتوه
كلمتكوا بقت المسموعة
والكون ليكوا انحنى
راية علمكوا هتفضل مرفوعة
طول ما بيتقال أحنا مش أنا
واحنا وراكوا وفي ضهركوا
كتفنا دايماً ف كتفكوا
يا أطباء ويا ممرضين
انتوا ملايكة الرحمة
واحنا مكناش مستوعبين
مكانتكوا تاهت في الزحمة
واحنا دلوقتي مستخبيين
ورا توبكوا
اللي بلون قلوبكوا
أبيض
وبكرة البياض يلون الحياة
معاكوا و وراكوا لبر النجاة
وهتفضل الراية للأطباء
راية فخر و محبة
#أميرة هاشم
يجب عليك تسجيل الدخول لاضافة تعليق.