😍ستيك بالثوم وصوص البارميزان😍
قطعه لحم الاستيك بتبقى من حته اسمها عرق الفلتو
لان المكان ده بيبقى طري جدا ومش بياخد سوى
نرجع بقى لوصفتنا
عندنا قطعه استيك هنتبلها بملح وفلفل اسود بس
ونجيب طاسه سخنه فيها ماده دهنيه معلقه زبده على معلقه زيت وننزل بقطعه الاستيك بتاعتنا كل وش هياخد في التشويحه حوالي من اربع لخمس دقائق على نار متوسطه
بعد كده هنرفعها في طبق خارجي ترتاح على ما نجهز صوص البارميزان
الاول هنجيب خمس فصوص ثوم مفرومين هتنزل بيهم مكان تشويح الاستيك ونديهم تشويحه
وبعد كدا ننزل بكوبايه مرقه دجاج ونسيبهم ياخدوا غلوه مع بعض
بعد كدا هتنزل عليهم بنص كوبايه كريمه لباني ونقلب
وبعد كدا اخر حاجه كوبايه جبنه بارميزان مبشوره ورشه بقدونس
ونديهم كمان تقليبه وبكده يكون الصوص خلص عموله
بقي ونضيف منه على الاستيك في طبق التقديم
وبالهنا 😘
الشيف/جنى يوسف 😊
