سندوتش الفراخ المقرمشة
عندنا صدر فرخة مخلية وقطعناها شرائح بالطول
عندنا كوباية دقيق عليها تلات معالق نشأ ومعلقه صغيرة
من الفلفل الاسود والبابريكا والتوم البودر والبصل البودر
والملح ونقلبهم كويس
وعندنا عدد واحد بيضة
وكمان معلقة من الفلفل الاسود والبابريكا والتوم البودر
والبصل البودر وتوابل الفراخ ومعلقة زنجبيل
في بولة هنضيف شرائح الفراخ والتوابل والبيضة ونقلب
كويس وبعدين هناخد قطع الفراخ نقلب في الدقيق
وبعدين في زيت سخن على النار هنقلي قطع الفراخ
هنجهز في بوله صغيرة معلقة كبيرة كاتشب ومعلقه مايونيز
ومعلقه هوت صوص ونقلبهم كويس
نجيب العيش بتاعنا المجهز مسبقا اللي هو عبارة عن
تلات كوبايات دقيق وعليهم كوباية زبادي ونص كوباية
مايه لو احتاجتيها وربع كوباية زيت او زبده ورشه ملح صغيرة
هنضيف الزبادي والدقيق ورشة الملح والمايه ونعجن وبعدين نضيف الزيت ونكمل عجن لحد ما نلم العجينه
في أيدينا كويس هنقطعها لكور صغيرة وبعدين نسيبها
ترتاح ربع ساعة ونبدأ نفردها هتكون مجهزين طاسه على النار
ندهنها مادة دهنية وبعدين نضيف ليها العيش خلصنا الكميه
هنحشي السندوتش بتاعنا بقى
نفرد العيش وندهنه بمعلقة كاتشب على مايونيز علي هوت صوص
وبعدين نضيف شرائح بصل وورق خس وفوقيهم
قطع الفراخ المقرمشه وبالهنا
الشيف/جنى يوسف
يجب عليك تسجيل الدخول لاضافة تعليق.