??Steak pepper sauce??
وصفتنا سهله ولذيذة ومكوناتها موجوده عندنا
عندنا كيلو لحم فيليه ستيك
وعندنا فلفل أسود دا أساس وصفتنا
كوب كريمه لباني
بصلة مفرومة
معلقتين زبده
وعندنا تتبيله. الاستيك علبة زبادي معلقة تتبيله مشاوي معلقة بصل بودر وتوم بودر
وبابريكا وجنزبيل وفلفل أسود وملح
هنقلب التتبيلة دي كلها علي بعضها ونضيف فيها قطع الاستيك حوالي ساعتين
وبعدين هنجيب طاسة سخنة فيها معلقتين زبده وننزل بالاستيك بتاعنا ياخد صدمة ولون دهبي
ولما نخلص الكمية هنخرجه وهنضيف مكانه كمان معلقة زبده
ونضيف البصلة المتقطعة ناعم وبعدين كوب الكريمه اللباني ومعلقه فلفل أسود ونضيف فيها
شرائح الاستيك ونغطيهم دقيقتين مع بعض ونزلهم
?هنقدم معاها رز ابيض?
في حله على النار هنجيب معلقتين زبده ونكون مجهزين نص كيلو ا من الرز مغسول
كويس ونضيفه للزبده شوحيهم دقيقتين مع بعض وزودي مايه وظبطي الملح
ولما يبتدي يتشرب هدي عليه النار لما يستوي
??تعالي نعمل معاهم كمان بطاطس مهروسة طبق جميل وخفيف وكتير مننا بيحبه مع الاكلات دي??
هاتي خمس ست بطاطسات وقشريهم وقطعيهم مكعبات واسلقيهم
وبعد ما يتسلقوا حطيهم في بوله واهرسيهم كويس اوي حطي بقى معلقة زبده
ومعلقة فلفل أسود وملح وبابريكا وتوم بودر وقلبي كويس
وهاتي ربع كوباية كريمه لباني وضيفها هتخلي البطاطس طعمها تحفة وشوية بقدونس
زيني بيهم الطبق وقدمي وجبتك كاملة متكاملة
وبالهنا يا جميل????
#الشيف/جنى يوسف?
يجب عليك تسجيل الدخول لاضافة تعليق.