🔴 الحمام المحشي .. 😋
▪️مقادير الحشوة ..
🔸️كوباية رز
🔸️بصلتين وسط مبشورين ناعم
🔸️فصين ثوم مهروس
🔸️زيت وزبدة
🔸️توابل جافة (معلقة صغيرة فلفل اسود ، م ص ملح ، م ص سكر ،
🔸️نص م ص قرفة ، ربع م ص حبهان مطحون او فصين كاملين ، ربع م ص كمون ، نص م ص شطه حسب الرغبة)
❤ الطريقة ❤
☝🏻هنغسل الحمام كويس وننضفه ونشيل منه أماكن الزفارة تحت الأجنحة وفى المؤخرة ونفتح تحت الجلد بحذر عشان ما يتقطعش
✌🏻فى حلة على النار هانضيف الزيت والزبدة ولما يسخنوا ننزل بفصوص الحبهان وممكن نضيف معاها مستكه دقيقه وننزل بالبصل نشوحهه لغاية ما يبتدى يتكرمل ولو فى كبد وقوانص تنزل مع البصل
☝🏻✌🏻بعدين ننزل بالرز بتاعنا والتوابل ونقلبهم كويس وننزل عليهم بنص كوباية مية مغلية نغطى عليه ونسويه نص سوى.
نسيبه يبرد قبل الحشو ما نحشيش وهو سخن
✌🏻✌🏻نحشى الحمام كويس (كل حمامة بتاخد معلقتين كبار رز مش أكتر) ونكتفه زى الفراخ من عند الرجلين ..
😊فى حلة تانى هنضيف معلقتين زيت وفص حبهان وعود قرفة وورق لورى وعودين قرنفل وفص مستكة وبصلة مقطعة أربعه وفص توم نصين ونقلب كله لغاية ما نشم ريحة التوابل ننزل عليهم بميه مغلية وننزل فيها بالحمام بتاعنا لمدة 45 دقيقة تقريباً
😍وبعدين نخرجة يهدى وممكن نحمرة فى السمنة أو ندهنه بسمنه على معلقة صلصة وندخله الفرن تحت الشواية ياخود لون .
وبألف صحة وهنا 🤩
