🔴 مهلبية قمر الدين 🌙
◾المقادير
🔸١ لفة قمر الدين
🔸٥ كوب ميه (لتر و ربع)
🔸٥ معالق كبيرة نشا
🔸٥ معالق كبيرة سكر (حسب الرغبة)
◾الطريقة
▪️فى حلة هنقطع قمر الدين قطع صغيرة ونضيف عليه أربع كوبايات من الميه (لتر) وندوبه على نار متوسطة لغاية ما الخليط يبقى ناعم تماماً .
🔶 ملحوظة
(لو نوعية قمر الدين جودتها ضعيفة هتلاقي قطع صغيرة وتكلات مش عاوزه تدوب .. هانصبر عليه لما يبرد شوية وناخدوا على الخلاط ننعمه تماماً)
▪️هنضيف السكر بتاعنا حسب الرغبة ونقلبه كويس
▪️هندوب خمس معالق النشا كويس جدا مع كوباية الميه الباقيه وننزل بيهم بالتدريج مع التقليب المستمر لغاية ما النشا يستوى ويوصل للقوام المطلوب
▪️هنصبه فى الكاسات ونضيف عليه جوز الهند والمكسرات أو اى حاجه نحبها
🔵 يحفظ فى الثلاجة وبيكون جاهز بعد ساعه للأكل وبألف صحة وهنا