متلوموش الطيور اللي سابت نواحينا
ده لسه قلوبهم متبته في عشق اراضينا
وابقوا اسألوا كل الظروف طب مشيوا ليه ؟
هتعرفوا انه مفيش حد منهم بلده هانت عليه
بس الظروف الصعبه كانت اقوى م المشاعر
خلت طيور البلد اللي عاشقه لترابها تسافر
آه ياطيور ارضنا ياللي طيرتوا وفوتونا
فينكم من زمان انتوا والصحبه وحشتونا
معقوله خدتكوا بلاد الغربه وقدرتوا ترفرفوا
معقوله احضان البعاد هيحسوا بيكوا ويعرفوا
ياترى حد بيحس بوجعكم وانتوا بتعدوا الليالي
ياترى خلاص الغربه شربتكم ولا لسه التراب غالي
طيب فينه الحنين ده اللي مش بيجيبكم نواحينا
اتعلمتوا الرفرفه بكل البلاد طب فين نصيب اراضينا.
مش بعتب على اللي هاجر واللي سافر واللي ميتنسيش.
احنا عتابنا على ابن البلد اللي في حضن غيرها قدر يعيش .
بقلم / محمد عبد المريد
