?طبق الفته باللحمه?
كيلو لحمه
نص كيلو رز مستوي
عيش بلدي
توابل فلفل اسود وبابريكا وبصل بودر
وتوم بودر معلقه من كل نوع
في حله على النار هننزل بمعلقه زبده وندي اللحمه صدمه
على الناحيتين وبعدين هنضيف مايه تغطيها ونضيف
التوابل ونسيبها تستوي
في حله تانيه هنزل بمعلقه زبده علي زيت
وبعدين ننزل بخمس فصوص توم مفرومين ولما يتشوحوا
هتنزل عليهم بكوبايتين من عصير الطماطم ومعلقه صلصه
ونضيف من التوابل اللي فوق ونحط نص معلقه ملح
ومعلقتين خل ونسيبهم يتسبكوا
هنجيب اتنين رغيف عيش بلدي ونقطه قطع متوسطه
ونفردها علي صنيه وعليهم رشه زيت وندخلهم الفرن
يتحمصوا ونخرجهم
بعد ما اللحمه تستوي هنخرجها ونحمرها في معلقتين زبده
هاتي بقى قالب التقديم وحطي العيش المتحمص
ونسقيه خمس معالق من المرقه
وبعدين ننزل فوقيه بالرز ونحط صوص الطماطم علي الوش
واللحمه وبالهنا
الشيف/جنى يوسف?
