غصب عنى الهم صابنى
وانكتب لى أعيش وحيد
واكتب الأحزان غناوى
وابقى نخلة بدون جريد
غصب عنى صبرى خانى
والشباب….. اتخلى عنى
والأمانى………. والتمنى
خصموا قلبى… والوريد
كل ما آجى أمنى روحى
ألقى روحى .تروح بعيد
وألقى دمعى من جروحى
كل يوم ….. عَمال يزيد
غصب عنى بحكى ليكو
ع اللى بيا ….من ايدكو
والدموع اللى ف عينيكو
مش عليا ……..ده أكيد
غصب عنى…. م اللى بيا
بشكى روحى…… بس ليا
والدموع… اللى ف عينيا
دم سايل ……..م الوريد
مش بخاطرى ..غصب عنى
ببكى ..من ناسى اللى منى
اللى ياما………. اتخلوا عنى
ونسيوا انى….. مش سعيد
****************
رضا أبوالغيط
