❤️❤️ كيكة التوفي❤️❤️
نبدأ بمقادير الكيك
تلات بيضات بدرجه حراره الغرفه
كوبايه سكر
كوبايه الا ربع لبن
معلقه كبيره فانيليا
نص كوبايه زيت
كوبايه ونص دقيق عليهم معلقه كبيره ممسوحه بيكنج بودر
❤️مقادير التوفي
هنحتاج كوباية ممسوحه سكر
كوباية لبن
معلقتين نشا
في الخلاط هنضيف البيض والسكر والفانيليا ونضرب
كويس وبعدين هنضيف اللبن. والزيت ونرجع نضرب تاني
هنضيف اخر حاجه الدقيق ونمزج المكونات مع بعضها
ونتأكد أن الدقيق اتقلب مع خليط الكيك كويس
هنجهز صنيه مقاس وسط وندهنها ماده دهنيه ورشه دقيق
ونصب خليط الكيك وندخلها فرن جاهز مسبقا علي درجه
حراره 180 رف أوسط لمده 25 دقيقه مرحله نضج الكيك
هنخرج الكيك يبرد وبعدين هنجهز صوص التوفي
في طاسه علي النار هتنزل بكوبايه سكر ونكرملها
ولما توصل لمرحله الكرمله وتبقي سائله للون البني الفاتح
هنضيف عليها كوباية لبن مدوب فيها معلقتين نشا صغيرين
ونقلب هتلاقي قوام التوفي بقي مظبوط وجاهز هنزله
ونضيفه على الكيك بتاعنا وبالهنا❤️
الشيف/جنى يوسف