? الشركسيه ?
من الاكلات الملوكي اللي قليل منا بطل يعملها
او يعرفها ومن اطعم الوصفات أيضا ومكوناتها متوفره
في كل بيت
المكونات
فرخه وزنها حوالي اتنين كيلو او كيلو ونص
تلات كوبايات رز مصري
راس توم كبيره
بصلتين
مكونات الصوص
كوبايه جوز ونطحنه لما نوصل لدرجه النعوميه
ست معالق دقيق
كوبايتين مرقه
معلقه كسبره
معلقه فلفل اسود
معلقه بابريكا
معلقه هريسه شطه
زيت او زبده المتاح عندك
بقدونس للتزيين
الطريقة
هنبتدي بالفراخ هتتغسل كويس من اي دم فيها بالخل والليمون والملح وتتشطف وتتصفي
في حله علي النار فيها مايه هنسلق الفرخه
ونضيف البصل بعد ما نقطعه قطع
ونضيف فلفل اسود وتوابل فراخ ورق لوري حبهان مستكه
ومننساش الملح ونسيبها تستوي وبعد ما تتم مرحله السوا
هنشيل الفراخ ونكون مجهزين الرز متنقي ومغسول
وفي حله فيها معلقتين زبده علي زيت هنضيف الرز
ونزوده بالمرقه ولما يغلي هنهدي عليه النار علشان يستوي
نروح نجهز الصوص بتاع الشركسيه
هنجهز طاسه فيها معلقه زبده علي تلات معالق زيت كبار
ونضيف الدقيق ونقلب وناخد بالنا علشان ميكلكعش
ولا يتحرق وأول مايوصل للون البني الفاتح هنضيف كوبايه
الجوز ونديهم تقلبتين مع بعض هنضيف بعد كده كوبايه
اللبن ونرجع نقلب وبعدين نضيف المرقه عاوزين القوام
يكون صوص خفيف مش تقيل خلصتي اركنيهم بقي
وهاتي طاسه تانيه فيها معلقه زبده ومعلقه زيت
وضيفي فيها معلقه الكسبره ورأس التوم بعد ما هرسناها
وهنحمرهم سوا وبعد كدا نضيفهم فوق صوص الشركسيه
اللي جهزناه
اخر مرحله للناس اللي بتحب السركسيه سبايسي
ودي هنجهز طاسه فيها معلقه زيت ونضيف فيها معلقه
بابريكا ومعلقه الهريسه الحاره ونديهم تقليبه علي النار
ونزلهم وبكدا نكون خلصنا يالا بقي نرص طبق الشركسيه
هنجيب طبق واسع وله حرف وهنضيف الرز الاول
وبعدين الصوص فوقيه ونقطع الفراخ ونشيل عنها الجلد
والعضم ونضيفها فوق الصوص وبعدين نضيف الصوص
الحار ونزين بالبقدونس
وقطع الجوز السليمه وبالهنا ?
